Continuidat en as camaras polacas

O movimient Palikot, anticlerial, obtenió cuasi un 10% d'os votos

Donald Tusk

Donald Tusk

Ahiere os polacos acudioron ta las urnas ta decidir os suyos representants en as camaras baixas y alteras. Os ciudadans polacos de tot o mundo heban de dicidir ahiere que os suyos ripresentants en as dos camaras d’iste pais.

Polonia y as suyas comunidatz vivindo difuera de lo pais metioron o suyo voto en os colechios de lo pais y en as embachadas de ista republica en tot o mundo. Os risultaus provisionals dan a o partiu de lo primer ministro Donald Tusk, Platforma Obywatelska (Plataforma Civica) o 37,47% d’os votos mientres que a segunda fuerza estio o partiu ultraconservador de Kaczynsksi Prawo i Sprawiedliwość (Dreito y Chusticia) obtenio o 30,61% de las paperetas.

A sorpresa venio con o movimiento Palikot, creyau fa uns poquetz meses con un mensache anticlerical y con ideyas esferents respeutive a la tributacion de peitas, plego dica o 9,8% de los votos, mas que mas de chent choven con ideyas esferents quant a la ilesia catolica. As otras dos fuerzas estioron o partiu agricola con 9,51% de eleutors y os social-democratas con o 8,24% de los votos. A participacion puyo dica o 47,25%.

Donald Tusk aviso que no feria pactos con iste nuevo partiu asinas que en istos venients diyas caldra veyer y asperar como marchan as conversacions dentre partius. De totas trazas, caldra asperar dica o martes, diya en que se feran publicos os risultaus definitius y oficials. Por agora no ye escrutau que lo 63,74% de os votos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.