Controladas dos terceras partis de l’incendio en Castanesa

Helicopteros y hidroavions triballan ta controlar o frent d'a muga este

Anviesta de l'incendio con l'Aneto en o fundo

Anviesta de l'incendio con l'Aneto en o fundo (Foto: Jordi Peró)

L’operativo antiincendios se marca como obchectivo prencipal d’as proximas horas a estabilización d’a zona este, en o termin de Montanui, an que o fuego ye estando mas dificil de controlar. A primeras horas d’o maitín l’aire remaneix en calma y os meyos aerios son prencipiando a triballar.

O puesto de mando ha cambiau d’ubicación y s’ha tresladau dende Neril, en o termin municipal de Las Pauls, enta o municipio de Montanui, mas proximo a o punto más activo d’o fuego. O 90% d’o perimetro de l’incendio ye estabilizau y se troba baixo control d’os efectivos que treballan en ell.

Asinas tamién, y dica que se celebre una nueva reunión a lo largo d’o maitín, os habitants d’os nuclios afectaus (Ardanué, *Ardanui, Benifons, Castanesa, Denui, Erberá, Fonchanina, Llagunas y Ribera) remaneixen desaloixaus. Encara que ya son tres os lugars que han puesto recobrar a normalidat, Senyiú, Neril y Noals. En a zona de l’incendio continan o director cheneral de Chestión Forestal, Roque Vicente, a directora cheneral de Buenpasar Social, Cristina Gavín, amás d’o Delegau Territorial en Uesca, José Luís Moret, que siguen colaborando con as necesidatz d’os desplazaus.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.