Controlau l’incendio de Castanesa

Antonio Suárez apunta a unas brasas albandonadas como causa de l'incendio

Incendio en Castanesa

Incendio en Castanesa (Foto: Silvia Garrido)

L’incendio que o zaguer chueves se declaró en os termins municipals de Montanuy y Laspauls, en a zona de Castanesa, ha quedau controlau.  As buenas condicions meteorolochicas d’istos zaguers días han permitiu triballar con intensidat en as zonas afectadas, especialment en o foco de Montanui, y rematar a chornada con l’incendio baixo control.

A estimación d’hectarias afectadas se sitúa arredol d’as 1600 hectarias. Por lo que fa a vechetación afectada, l’incendio ha cremeu fenero y pinar en mayor medida, amás de matorral, monte baixo y caixico. Las causas encara se desconoixen, a l’aspera de saber os resultaus d’a investigación que ye realizando a Guardia Civil. En tot caso, seguntes ha esplanicau o Consellero d’Interior, Antonio Suárez, o fuego podria haberse produciu por unas brasas albandonadas en o monte.

L’operativo d’extinción d’incendios, coordinaus por o Director d’Operacions y dirichiu por o Director de Chestión Forestal, Roque Vicente, ha estau componiu dica por 300 personas, que s’han iu reducindo a medida que abanzaban os triballos sobre o terreno.

Agora queda reyalizar triballos de vichilancia ta que no reviscole y refredar as zonas cremadas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.