Convocada una manifestación ta ‘salvar a o Reyal Zaragoza’

A iniciativa surte d'una plataforma de aficionaus

Escudo d'o Reyal ZaragozaA mala marcha de l’equipo de futbol zaragozano ha fartau a muitas d’as personas aficionadas a iste esporte y seguidoras de l’equipo. D’astí ha surtiu a plataforma ‘Salvemos el Real Zaragoza’ a on que son presents a Federación de penyas, l’asociación de chicotz accionistas, o movimiento vriespa y atras asociacions, antimás de personas a ran individual.

A plataforma ha convidau a ‘totz qui se sientan zaragocistas’ y que sigan en contra d’a chestión que ye fendo Agapito Iglesias de l’equipo a unir-se a ista causa. han convocau, antimás, una manifestación o venient 14 de chiner a las 16:30, coincidindo con o partiu Reyal Zaragoza – Getafe.

Ta concretar os detalles d’a manifestación, se ferá una reunión publica o 4 de chiner a las 19:30 en un puesto que anuciarán en o blog que ha creyau a plataforma.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.