Convocadas en Aragón as primers 36 plazas por turno libre d’as Ufiertas de Treballo Publico de 2007 y 2011

Entre las ofertas hay 17 plazas de farmacéuticos, 9 de médicos de administración sanitaria, 4 de inspectores médicos y 2 de rehabilitadores

Foto: Cronica de Aragón

Foto: Cronica de Aragón

O Departamento de Hicienda y Administración Publica d’o Gubierno d’Aragón ha convocau iste lunes as prebas ta trigar a qui ocuparán as primers 36 plazas de turno libre de servicios chenerals de l’Administración aragonesa, aintro d’o proceso de convocatoria d’as plazas que s’omitioron d’as Ufiertas de Treballo Publico de 2007 y 2011.

En concreto, o Boletín Oficial d’Aragón, publicó ahiere a convocatoria de 17 plazas de farmaceuticos, nueu de medicos d’administración sanitaria, quatre d’inspectors medicos, dos de rehabilitadors, dos de letraus, una de medico d’atención primaria y una de psiquiatra. En o caso d’as plazas de farmaceuticos y administración sanitaria a convocatoria incluye, de traza unificada, as plazas correspondients a la Ufierta de Treballo Publico de 2007 y 2011, entre que a resta de plazas corresponden a la Ufierta de 2007.

Tots istos puestos fan parte d’a Escala A1, de titulaus superiors de l’Administración. A resolución de convocatoria publicada en o BOA incluye os temarios d’as prebas d’oposición, que se ferán a partir d’un plazo minimo de tres meses.

Son as primers convocatorias d’acceso libre d’Administración Cheneral d’a Comunidat Autonoma, dimpués de que a la fin d’abril s’ubrise o proceso con a convocatoria de quatre plazas ta investigadors d’o Centro d’Investigación y Tecnolochía Agroalimentaria d’Aragón (CITA), asinas como de diez plazas t’a promoción interna en l’Administración, y d’atras ueito en o cupo de discapacitaus.

Mientres os venients meses continarán fendo-se as convocatorias de plazas d’o subgrupo A1 de l’Administración que, por un regular, s’acumularán. Ye decir, se convocarán de vez tanto as plazas que perteneixen a la Ufierta de Treballo Publico de 2007 como as de 2011, encara que s’han feito bellas excepcions, atendendo a las peculiaridatz de cada sector.

Ye previsto que todas las plazas d’o subgrupo A1 sigan convocadas en setiembre de 2014, ta dar paso a lo subgrupo A2, entre octubre de 2014 y chinero de 2015. Ta 2015 quedará o subgrupo C1, que se convocará mientres o primer trimestre de l’anyo, y o subgrupo C2, que rematará a metat de 2015. Alavez, o calendario marcau prevei alcorzar a-saber-lo la muga de plazo de tres anyos permitiu ta completar o proceso.

Cal remerar que istas 1034 plazas d’Administración cheneral, chunto a las 385 d’Educación y as 1.364 parte de Sanidat fa o total de 2.783 plazas que estioron excluyidas d’as Ufiertas de Treballo Publico d’as anyadas 2007 y 2011, y que agora continan ocupadas por funcionarios interinos, lo que estió declarau contrario a dreito por os tribunals.

Fuent: http://www.cronicadearagon.es/wordpress/?p=49609

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.