Convocan una manifestación contra “o desmantelamiento y a privatización d’a Sanidat”

A manifestación marchará por o centro de Zaragoza "en esfensa d'a sanidat publica, de baldes y universal"

Protesta en o "Clinico" en esfensa d'a sanidat publica (Foto: El ventano)

Protesta en o “Clinico” en esfensa d’a sanidat publica (Foto: El ventano)

Más de quaranta organizacions han convocau a totz os aragoneses a manifestar-se iste domingo 17 “contra o desmantelamiento y a privatización d’a Sanidat.” Entre os organizadors, muitas asociacions de vecins y representants d’os sectors vinclaus a la sanidat, antimás de sindicatos u a Marea Blanca.

Os organizadors creyen que “somos viyendo como o dreito t’a salut esdevien una marcancia” y que os gubiernos executan de traza obedient as ordens d’os mercaus, famaceuticas, constructoras y bancos.” “Preban de privatizar as partis d’o sistema sanitario más simplas y rendibles, entre que lo más costoso y complexo remane en la publica”, adiben.
Iste proceso ye gracias a os zaguers cambios lechislativos, entre los que mete a Lei 15/97 y o Reyal Decreto Lei 16/2012. Manimenos, as midas que denuncian ya son en marcha. Entre ellas, os organizadors remeran que o gubierno PP-PAR ha retallau en ista anyada 238 millons d’euros, s’han sacau servicios d’ambulancias, s’han sacau 15.000 tarchetas sanitarias a personas migrants, zarres de plantas d’hespitals y de servicios de urchencias os sabados de tardis, chestión privada de l’hespital d’Alcanyiz y asinas asinas.
As midas, que califican de “criminals”, levarán a que “puyen as tasas de mortalidat y baixe l’asperanza de vida“. Por ixo se ha convocau una manifestación que surtirá dende o Paraninfo zaragozano lo domingo 17 a las 12 “por una sanidat publica, de baldes y universal”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.