Convocan una nueva “aición tupper” contra la segregación en as cafeterías d’a Universidat de Zaragoza

Bella cafetería ha feito un espacio de propio t'os estudiants que chentan virolla trayida de casa.

Edificio Betancourt en o Campus Río Ebro (Foto: Arainfo)

Edificio Betancourt en o Campus Río Ebro (Foto: Arainfo)

As y os estudiants han tornau a convocar una aición reivindicativa en o Campus Río Ebro de Zaragoza, an que bella cafetería ye dividindo a los alumnos que va a minchar-ie pendendo si chentan menú u trayen chenta de casa. Levan semanas denunciando una situación que califican de “segregación economica” ya que no totz os estudiants que, por qüestions d’horarios han de quedar-se a chentar en a facultat pueden permitir-se pagar o menú.

Por ixo, claman a “desobedeixer” ista “inchusta norma” indo una patacada de chent a minchar “de tupper” sin fer caso d’a división d’espacios. Denuncian que “no pueden viedar-nos de minchar en un espacio d’una universidat que ye publica” y argumentan que dezaga d’istas midas ye platero l’intrés recaudatorio que bi ha de man d’as interpresas que chestionan as cafeterías. T’as y os estudiants ” no se puet admitir que no deixen a la chent chentar posaus con os suyo amigos en qualsiquier mesa d’a cafetería” y avisan que, si se contina asinas, “a escape nos viyeremos obligaus a demandar o nuestro dreito a minchar posaus”.

As y os estudiants culpan a la externalización y a la entrada d’as interpresas privadas en a universidat como os verdaders causants d’ista situación. Por ixo claman a os estudiants  a ir a chentar “de tupper” iste chueves 4 d’aviento, a las 14:00 en l’edificio Betancourt d’a Escuela de Incheniería y Arquitectura (EINA) de Zaragoza.

Fuent: http://arainfo.org/2014/12/convocan-una-nueva-accion-tupper-contra-la-segregacion-en-las-cafeterias-de-la-univerisdad-de-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.