Convocau o premio “Interpresa Uesca”

As interpresas que quieran participar-ie pueden fer-lo dica o 10 de mayo

Presentación d'o premio (Foto: D.Ch.A.)

Presentación d’o premio (Foto: D.Ch.A.)

O premio Interpresa Uesca se ha convocau por uetina edición ta “distinguir y reconoixer a trachectoria, relevancia y “buen fer” d’as interpresas en a demba economica y en exercer l’actividat interpresarial. O premio ye convocau por l’Instituto Aragonés de Fomento, a Confederación Interpresarial d’a Provincia de Uesca y a Camara de Comercio y Industria de Uesca.

Ta ista convocatoria se pueden presentar todas as interpresas con siede en a provincia de Uesca, siempre que se i apunten antis d’o 10 de mayo. Pasada ixa calendata s’ubre un plazo dica o 31 de mayo ta presentar una memoria descriptiva d’a organización sobre a suya trachectoria interpresarial, practicas, ran de chestión y expectativas d’esdevenider.

A organización estableix o Premio Interpresa Uesca como o galardón más important. Antiparti, todas as interpresas inscritas podrán conseguir d’a mesma traza premios en atras cinco categorías: Innovación, en reconoixendo os prochectos, productos y ideyas de innovación relevants con exito en o mercau u que haigan conseguiu ubrir linias de intrés t’a sociedat; t’a Trachectoria Interpresarial, en reconoixendo a trachectoria personal, social u institucional de extraordinaria relevancia en a demba economica u en exercendo l’actividat interpresarial; Premio t’a PYME, endrezau ta interpresas chicotas, más que más, las que tiengan menos de 10 treballadors; t’o Choven Emprendedor, endrezau ta interpresarios de menos de 40 anyadas y t’a Internacionalización, t’a millor faina exportadera.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.