Corea d’o Norte fa un tercer ensayo nucleyar

Pyongyang tira entabant con o programa nucleyar a tamás d'as alvertencias d'a ONU y EEUU

corea norteO rechimen de Corea d’o Norte ha confirmau hue que ha feito una preba nucleyar. ‘A preba nucleyar s’ha feito a un alto ran y de traza perfecta y segura, fendo servir un chicot aparato nucleyar, mas lichero y con mas fuerza explosiva que no os anteriors’, ha informau l’achencia de noticias oficial norcoreana, KCNA. Y adhibe que l’ensayo nucleyar no ha teniu garra impacto negativo en o meyo ambient.

A confirmación de Pyongyang plega dimpués d’haber detectau un tremol sismico de 4,9 graus en Corea d’o Norte. Feba unas quantas semanas que heba dito que quereba fer ista preba nucleyar, a tamás d’as alvertencias d’a ONU y os Estaus Unius. De feito, ye una respuesta directa a la resolución d’o Consello de Seguridat d’as Nacions Unidas, proposada por os EE.UU., condenando o lanzamiento d’un cohete o mes d’aviento pasau y aumentando as sancions a o país asiatico.

Pyongyang diz que o cohete nomás quereba meter en orbita un satelite, pero Washington lo veye como una preba de misil de largo alcance.

Ista ye a tercer preba nucleyar que fa Corea d’o Norte, dimpués d’as que fació en 2006 y 2009.

Fuent: http://www.vilaweb.cat/noticia/4083570/20130212/corea-nord-tercer-assaig-nuclear.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.