Corea d’o Norte menaza con un ‘ataque nucleyar preventivo’ contra os EEUU

'Exerceremos o dreito d'un ataque nucleyar preventivo contra os quartels chenerals de l'agresor', diz o rechimen de Pyongyang

misilsO gubierno de Corea d’o Norte ha menazau hue con lanzar ‘un ataque nucleyar preventivo’ contra ‘os quartels chenerals de l’agresor’, en referencia a os Estaus Unius, seguntes ha informau l’achencia estatal de noticias KCNA. ‘Como os Estaus Unius son a l’inte d’empecipiar una guerra nucleyar, nusatros exerceremos o dreito d’un ataque nucleyar preventivo contra os quartels chenerals de l’agresor ta protecher os nuestros supremos intreses’, ha declarau o portavoz d’o ministerio d’Afers Exteriors norcoreanos .

Pyongyang ha acusau a Washington de fer servir as maniobras militars conchuntas que fa istos días con o gubierno de Corea d’o Sud ta desembolicar as suyas capacidatz armamentisticas convencionals y nucleyars. O gubierno norcoreano ha menazau de fer nuevos ensayos balisticos nucleyars en respuesta a las posibles sancions d’a ONU, promovidas por o gubierno norteamericano. Os expertos que citan as achencias d’información internacionals creyen que Corea d’o Norte no tien encara capacidat ta lanzar un ataque nucleyar t’os Estaus Unius.

Fuent: http://www.vilaweb.cat/noticia/4092346/20130307/corea-nord-amenaca-atac-nuclear-preventiu-eua.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.