Corea d’o Norte para os suyos misils contra EEUU y Corea d’o Sud

O lider norcoreano menaza a os Estaus Unius y Corea d'o Sud con un ataque en qualsiquier momento si tornan a fer una "provocación temeraria"

misils corea norteKim Jong-Un, lider de Corea d’o Norte, ha dau orden de parar os misils norcoreanos ta atacar a os Estaus Unius y Corea d’o Sud. Ista orden ye en respuesta a las maniobras militars que os Estaus Unius y Corea d’o Sud son realizando iste mes y dica o cabo d’abril, y en especial en respuesta a o recient vuelo de dos bombarders invisibles estadounidenses con capacidat ta transportar cabezas nucleyars que han sobrevolau a peninsula coreana, seguntes l’achencia KCNA.

Ista achencia tamién cita parolas d’o lider norcoreano, que ha dito que “ha plegau o tiempo de saldar cuentas” con os Estaus Unius y afirma que “si tornan a realizar una provocación temeraria, l’Exercito Popular Coreano (KPA) debe trucar sin piedat a parte continental d’EEUU, a suya fortaleza, as suyas bases militars en o Pacifico, bi incluyendo Hawaii y Guam, y as de Corea d’o Sud” con misils estratechicos prestos ta disparar en qualsiquier momento.

Iste pasau martes as fuerzas militars norcoreanas se metioron en situación de combate en respuesta a las maniobras militars d’os Estaus Unius y Corea d’o Sud, que istos países califican de “defensivas”, y ha anulau l’acuerdo d’armisticio de 1953 que metió fin a la Guerra de Corea y ha tallau o “telefono royo” que comunicaba a os exercitos d’a peninsula coreana. Corea d’o Norte ha advertiu a o Consello de Seguridat d’a ONU de que a peninsula coreana se troba amán d’una guerra nucleyar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.