Cornualla celebra que a suya muga electoral con Anglaterra quede “segura” dica o 2018

Vulcada una propuesta conservadora ta creyar un distrito mixto con la rechión vecina de Devon

Logo d'a campanya Keep Cornwall Whole

Logo d’a campanya Keep Cornwall Whole

Diferent partius y organizacions cornicas han celebrau que, por l’inte, Londra respetará a muga de Cornualla y no creyará un distrito electoral conchunto con la vecina rechión anglesa de Devon. O Parlamento britanico ha refusau cambiar as mugas d’os distritos electorals t’os comicios de 2015 y no revisará o tema dica 2018. A oposición a iste cambio heba estau un d’os elementos central d’a reivindicación nacional cornica mientres as zaguers anyadas.

O Partiu Conservador quereba que un d’istos distritos (que son a base ta esleixir a os parlamentarios de Westminster) achuntase a zona sur-oriental de Cornualla con a zona sur-occidental de Devon, blincando-se a muga historica d’o país, que coincide con o rio Tamar. Manimenos o Partiu Liberaldemocrata y o Partiu Laborista han refusau redibuixar o mapa d’os distritos por l’inte.

A campanya Keep Cornwall Whole ha celebrau a decisión como una victoria, pero tamién ha remerau que a lechislación que creyaría o nuevo distrito mixto (clamau “Devonwall” localment) encara ye vichent y que, alavez, a campanya continará dimpués d’as eleccions de 2915 ta “asegurar a integridat territorial de Cornualla”. Tamién lo ha celebrau a principal fuerza nacionalista cornica, Mebyon, Kernow, que destaca o feito de que todas as seccions cornicas d’os partius britanicos s’han oposau a la creyación d’o distrito de Devonwall.

 

Fuent: http://www.nationalia.cat/ca/noticies/1335

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.