Creative Commons fa 10 anyadas

Dende a primer licencia, o movimiento Creative Commons ha creixiu a-saber-lo, estendillando-se por toda a planeta.

creative-commonsO 16 d’aviento se fan 10 anyadas dende que Creative Commons (CC) fació a suya primer licencia publica, un hito en a historia d’o copyleft y d’a propiedat intelectual en o mundo.

En realidat, CC existiba ya dende 2001, anyada a on que Lawrence Lessig, Hal Abelson y Eric Eldred metioron en marcha o prochecto con o refirme d’o Centro t’o Dominio Publico, pero o suyo verdader potencial no esclataría dica la liberación d’as suyas licencias, y por ixo a organización ha decidiu d’esleixir iste inte como referencia ta celebrar a suya primer decada.

Dende alavez, a fiebre “copyleftera” s’ha estendillau por toda a planeta, fendo d’as licencias CC a principal ferramiento de tot un movimiento global que mira nuevas formulas de relación entre creyadors y usuarios, aprofitando as posibilidatz que ufre a revolución tecnolochica, dillá d’o copyright y d’os tradicionals dreitos d’autor.

Ta celebrar-lo, CC promueve a campanya #cc10, que se desembolica mientres 10 diyas (entre o 7 y o 16 d’aviento), y t’a que convida a sumar-se  a totz y todas os suyos seguidors a traviés de qualsiquier actividat, obra u alportación que contribuiga a conmemorar como cal a importancia d’ista relevant contribución a los dreitos, libertatz y, más que más, t’a espardidura y democratización d’a cultura en toda la planeta.

Arredol, comprometiu con ixe esprito, se publica baixo licencia Creative Commons, igual como atros meyos como Arainfo, Vilaweb, Nationalia, Jornalet, Eldiario.es, Praza pública y muitos atros…

 

Fuent: http://arainfo.org/2012/12/creative-commons-cumple-10-anos/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.