“Cromos”, cine aragonés en venta por Internet

Por 5 euros se puede mercar online ista roadmovie aragonesa

27 enero, 2012 | Cultura | Autor: Arredol | Tweet

Fer cine en Aragón no ye un triballo facil. Productoras grans y chicotas (más d’istas zagueras) preban de fer productos de qualidat en un ambient no guaire bueno. “Cromos” ye un buen eixemplo. Ista cinta aragonesa ye una comedia de carretera, dirichida por José Ángel Delgado. O leitmotiv ye un cromo de fútbol que ha de rematar un album unico. Entre os actors, Miguel Ángel Ruiz, l’escritor David Lozano, Yolanda Blanco u Sergio Andrés, y mesmo ha contau con a colaboración de Tony Genil.

Ta fer frent a os gastos de producción, debant d’un circuito de distribución achiquiu, agora han decidiu dar un trango entabant y vender o producto dreitament dende Internet. Por cinco euros, se puede mercar ista cinta en DVD t’aduyar a ista producción independient, que no ha recibiu garra aduya publica y que ha costau más 50.000 euros de producción.