Cruz Roya creye que 10.000 civils encara son en Sirte, dentre combates

Huei remata o plazo ta que os civils puedan salir d'a ciudat

Rebeldes luitando en Sirte (Foto: Angel Kulikov)

Rebeldes luitando en Sirte (Foto: Angel Kulikov)

Cruz Roya entrenacional creye que más de 10.000 personas encara no han puesto albandonar Sirte, quan huei remata o plazo ta que lo faigan, antis d’a ofensiva d’o CNT sobre a ciudat. A población civil d’a ciudat an que se creye que remane Gadaffi, ha albandonau as suyas casas, pero encara no han puesto salir totz. Os combates continan dende os puestos adebantaus d’os rebeldes, que han preniu puestos estratechicos d’a zona.

L’organismo asegura que un hospital ha estau atacau, dimpués de que han feito una vesita a las zonas de combate. A vesita estio adempribiada por as dos partis en conflicto, y Cruz Roya no ha quiesto culpar a garra d’as dos de l’ataque contra o centro sanitario.

Os combates se son fendo más cerenyos en  rematar o plazo dau por os rebeldes a os gadafista ta que libren a ciudat. Continan, entremistanto, os bombardeyos d’a OTAN sobre obchectivos militars en a ciudat, encara que tamién s’han denunciau bombardeyos contra población civil.

Una rispuesta a Cruz Roya creye que 10.000 civils encara son en Sirte, dentre combates

  1. Y tot isto ta esfender lo ego d’un eslucernau. Que tristura mai.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.