Cuba da l’indulto a quasi 3000 presos

Tamién saldrán d'as garcholas 86 foranos. A mida afecta a presos que leven prou tiempo engarcholaus.

 

Raúl Castro, president de Cuba ha anunciau o indulto de más de 2900 presos en un discurso en l’Asambleya Nacional. Tamién saldrán d’a garchola 86 foranos. Ista mida se prene, en parolas d’o president, “por solicitutz de familiars y institucions” y ye “una muestra más d’o chenerosa y fortal que ye a revolución”.

Istos indultos no se aplican, fueras de bell caso, a los condenaus por espionache, terrorismo, asesinato, trafico de drogas, pederastia, furto en vivienda habitada, violación u corrupcion de menors. Os indultaus son personas que haigan cumpliu buena parti d’a condena suya y haigan amostrau un buen comportamiento. Tamién s’ha parau cuenta ta dar os indultos en l’estau fisico y a edat y malotías d’os engarcholaus. Cuanto a los foranos, nomás podrán salir d’a garchola si os suyos gubiernos d’orichen aceptan a suya repatriación.

En o mesmo discurso Raúl Castro aprofeito ta anunciar midas de cambio en a politica de emigración d’a isla. Remeró tamién as circuntancias excepcionals d’o país que contina sufrindo o bloqueyo d’EE.UU.

 

Raúl Castro (centro) (Foto: Calixto N. Llanes Vila)

Raúl Castro (centro) (Foto: Calixto N. Llanes Vila)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.