Cursa arredol d’o bombardeu d’Alcanyiz de 1938

O domingo 2 una visita aintro d'as chornadas "Noviembre Antifaixista" quitará a la luz os secretos d'un d'os feitos mas crudels y menos conoixius d'a Guerra Civil en Aragón

Efectos d’o bombardeu. Foto: Colección Michele Francone

Aintro d’as V chornadas “Noviembre Antifaixista” se ferá una visita a la ciudat d’Alcanyiz, una d’as que mas sufriron as enrestidas d’a Guerra Civil en Aragón. A cita ye iste domingo 2 d’aviento a las 10 h. en a Pza. Joaquín Costa d’a localidat baixoaragonesa.

O 3 de marzo de 1938 ocurrió un d’os feitos mas terribles d’a Guerra Civil en Aragón. Alcanyiz sufrió un brutal bombardeu, comparable a o de Gernika, feito por o bando franquista antes d’empecipiar a enrestida final en o frent d’Aragón. L’aviación italiana a las ordens de Franco arrasó a ciudat baixoaragonesa sin garra obchectivo militar que atacar. Mas de 10.000 kg. de bombas cayoron sobre o casco urbano alcanyizano ta, decamín dimpués, baixar os cazas italianos a ametrallar a la población civil. Se calcula en unas 500 personas as asesinadas (Alcanyiz no plegaba ta par d’alavez a os 5.000 habitants) mientres l’acción militar d’o bando “nacional” a cargo de l’aviación italiana.

A visita ye organizada por l’historiador d’a organización, Iñaki P. en colaboración con os historiadors J. M. Maldonado y J. C. Gonzalvo, y recorrerá amás d’os puntos mas sinyalers d’o bombardeu, os cubillars antiaerios reconstruyius, amás de conoixer mas detalls d’as colectividatz anarquistas existents en Alcanyiz y en a resta d’o Baixo Aragón.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.