Cursos d’aragonés por 10€ a l’anyo

L'Asociación Cultural 'O Trango' prencipiará o viernes 28 os suyos cursos d'aragonés

L’Asoziazión Cultural O Trango prencipiará o viernes 28 o curso escolar 2011/2012 ufrindo clases d’aragonés de primer ran ta todas as edatz. Ista asociación, que ya en leva d’anyos amostrando desinteresadament l’aragonés con muitismo éxito, ferá as clases en a Casa de Chovenalla Unibersidat (Andador de los Hudíes, nº 15). L’obchetivo d’istos cursos será o de transmitir conoiximientos tocants a o feito lingüistico en sí y a os aspectos sociolingüisticos y istoricos que sigan arredol de l’aragonés.

 
O curso se ferá totz os viernes de l’anyada lectiva 2011/2012 en horario de 19 a 21 y o pre total ye de 10 euros, en concepto de materials. Ta l’asistencia a mesmo ye menester una inscripción previa a traviés d’o correu electronico d’a Casa de Chobenalla d’o Zentro Zibico Unibersidat: cjuniversidad@gmail.com. Dita puenda d’inscrizión s’estendillará dica a metat de nobiembre.

 
D’atra man, os alumnos que vaigan a más d’un 80% d’o curso obtendran un certificau d’oras, y os alumnos que superen as prebas escritas y orals, que seran voluntarias, obtendran o certificau de ‘Primer Ran de Luenga Aragonesa’.

 
Se puet obtener más información d’os cursos a traviés d’o correu eleutronico de l’Asoziazión Cultural O Trango, otrango@gmail.com, u a traviés d’os telefonos d’a Casa de Chovenalla d’a Universidat, 976559052, u d’o móbil 651115755.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.