Dación en pagas ta familias ‘en a muga d’a exclusión’

Totz os miembros habrán d'estar esqueferaus y en momentos d'acotolar as prestacions

Luis de Guindos (Foto: Wikipedia)

Luis de Guindos (Foto: Wikipedia)

O ministro d’Economía espanyol, Luis de Guindos, ha anunciau hue que treballaran por fer posible a dación en pagas t’as familias que ‘amuguen a exlusión’, que tiengan totz os miembros suyos esqueferaus y que, antimás, sigan en moemntos d’acotolar as prestacions de desocupación si en tienen, y que no tiengan rentas ni atro patrimonio. De Guindos ha feito l’anuncio en respuesta a una interpelación d’o portavoz de Cucha Plural (integrau por IU-ICV y CHA) en o  Congreso, Joan Coscubiela (ICV).

Coscubiela ha afirmau que ‘asistimos a una situación escandalosa’ a on que ixos pisos fruito d’os desahucios s’adchudican de traza inmoral por cantidatz que fan risa y se deixa sin puesto a on vivir a familias esqueferadas que, antimás se quedan con deudas ta cutio’.

Seguntes De Guindos, o gubierno espanyol ye decidiu a fer cambios lechislativos ta definir as situacions a on que as familiaspodrán fer servir a dación en pagas. Os cambios lechislativos afectarían a las trazas que s’emplegan ta asignar os pagos d’a hipoteca sobre os intreses y sobre o capital amprau. Tamién afectarían a los gastos posteriors a la execución d’a hipoteca. O ministro ha admitiu que en iste inte bi ha intreses abusivos sobre familias con pocos recursos y ha destacau que existe marguin legal ta moderar-los.

Antimás, seguntes De Guindos, o gubierno quier empentar un codigo de buenas practicas t’os bancos a on que sería a dación en pagas ta istos colectivos, a corresponsabilidat en as diverchencias excesivas entre a tasación d’a casa y o pre por o que s’executa, y una moratoria de dos anyadas entre l’inte a on que s’exeuta o desahucio y o desaloix finitivo. Tot ye una combinación de cambios lechislativos concretos que s’abordarán en una comisión con iste  codigo de conducta que as entidatz bancarias se o podrían adhidir de traza voluntaria.

 

Fuent: http://www.vilaweb.cat/noticia/3987542/20120222/dacio-pagament-families-llindar-lexclusio.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.