Dada presenta o suyo disco en ‘El Tunel’

A colla ganó o concurso Popyrock d'o concello de Zaragoza. O sabado presentan o disco chunto con a-saber-los artistas

CartelDada ferá iste sabado en ‘El tunel’ a presentación d’o suyo primer disco ‘Rock and roll kabaret’. Ista colla consiguió ganar en a edición de 2010 o concurso Popyrock que organiza todas as anyadas o Servicio de Choventut d’o Concello de Zaragoza. O premio estió a grabación y distribución d’iste disco y a suya presentación.

Continando con l’esprito que vienen tenendo en as anyadas que levan actuando, Dada ferá un cabaret bien acompanyaus por arrienda artistas. Dende as 21 y dica la meyanueit pasarán por o scenario d’o Vico Oliver Diego Peña, Jaime Ocaña, Samba da praça, Pablo Scratch y Martin a o baixo, Funny Magic Creepy show, Pepin Banzo, China Chana, Daniel Rabanaque, Comando cucaracha, Mc Mariposa y pep4, Don nadie, Pato y Hernán, Noche, Kambalaya, Artistas del Gremio y prou que sí … Dadá. Humor, machia, poesía, contorsionismo… y muita mosica de toda mena.

O disco tien 14 temas entre as que trobamos tanto cantas suyas como versions. O pre d’o concierto lo decidirá cadagún seguntes creiga pues, seguntes Dadá ‘¿Quanto vale una riseta? ¿Y un baile? ¿Quanto vale emocionar-se? ¿Quanto vale o treballo d’os artistas? ¿De verdat vale menos que no un cubata? ¿De verdat vale menos que no ixe tricot que merqués en Zara y que has feito servir bell par de vegadas antis d’aventar-lo t’a vasuera?

Una rispuesta a Dada presenta o suyo disco en ‘El Tunel’

  1. Pingback: Dada presenta o suyo disco en “El Tunel” | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.