Daroca celebra unas chornadas sobre a pasta y lo dulce

Tastadas y tallers sobre a virolla emplirán o cabo de semana.

cartelA redolada de Daroca amostrará ta tot qui se i amane iste cabo de semana os millors productos d’o suyo sector agroalimentario. A VI Edición d’a Muestra Gastronomica d’a Pasta y o Dulce prencipiará o sabado 12 y continará o domingo 13.
A muestra se fa con o refirme d’entidatz publicas -concello, comarca, DPZ y gubierno- y d’interpresas d’o sector. En l’anyada pasada recibió bells 5000 visitants, cifra que s’aspera puyar en ista seisena edición.
As actividatz se ferán en o Complejo Hostelero Legido’s de Daroca, prencipiando con actividatz infantils, una charrada sobre a PAC y un taller de tastar ‘tapas’. De meyodiyas se podrán tastas platos feitos por Parador 24 horas, Selección Calamocha, Wok Gran Muralla China y El Atrapamundos. A tardi se plenará tastando postres d’a redolada y con un taller sobre mermeladas y un atro t’a catrinalla de manualidatz con pasta. De nueitz, más minchar, organizau por Legido y Plaza Mudéjar, rematando con un concierto en o Pabellón Municipal.
O domingo continarán as tastadas y antimás se ferán tallers sobre o zafrán, cómo tallar o pernil y un tastar ciego de vins d’Aragón.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.