Daroca, scenario d’o XXXV Festival y Curso Internacional de Mosica Antiga

Entre os diyas 2 y 9 d'agosto Daroca se i ferán conciertos y clases especializadas de Mosica antiga

Presentación d'o festival

Presentación d’o festival

O lugar de Daroca aculle una anyada más unatra edición d’o Festival y d’o Curso Internacional de Mosica Antiga que ya ha esdeveniu en una fita imposible d’ixublidar aintro d’o panorama mosical.

Iste festival ye o evento cultural más antigo d’o país, fendo a suya XXXV edición estianyo. Se ferá entre os diyas 2 y 9 d’agosto con a participación de Ministriles de Marsias, Oliver Baumont, La Real Cámara, In Memoriam, Corelli, Ensemble Flatus, Capella Patriarcal y La Tempestad.

En l’acto de presentación, que ha contau con autoridatz d’a DPZ, a comarca y o concello, antimás d’o director d’o certamen José Luis González Uriol, s’ha destacau a calidat d’as formacions que i participarán y o feito de que os conciertos se fayan en espacios singulars y unicos como en son a Ilesia de Sant Miguel y a Ilesia Colechial de Santa María d’os Sagraus Corporals, “permitindo a l’espectador plegar en a epoca y l’espacio que as obras que sonan i son pensadas”.

D’atra man, se i ferá tamién o curso Internacional de Mosica Antiga, con a presencia de mayestros de tot lo mundo que s’amanarán ta Daroca ta fer-ie clases especializadas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.