A partecipación caye un 5% en tot Aragón debant d’os datos d’o 2008

A partecipación en Aragón ha pasau dende un 75,92% dica un 70,90%, cayendo un 5%. Uesca tamién pasa d’o 75 dica o 70%, Teruel d’o 76 dica o 71% y Zaragoza dende o 75.92 dica o 71%

A las seis d’a tardi, a partecipación cayeba un 4%

A partecipación d’os electors en Aragón ye un 4 por cient más baixa que no en 2008, seguntes os datos d’o Ministerio. Os datos dicen que en Aragón a las seis d’a tardi ha votau poco más d’o 57% d’os electors, debant d’o 61,39 de 2008.

Por circunscripcions, Uesca rechistra un 55% de votos emitius, cinco puntos menos que en 2008. Teruel un 57%, 3 puntos menos que en 2008 y Zaragoza un poco más d’o 57%, quatre puntos menos que en 2008.

En o total d’Espanya a baixada ye d’un 3% a ista hora.

A las dos d’a tardi, a partecipación cayeba un 3%

Os datos de partecipación en Aragón amuestran una cayita d’o 3% debant d’a partecipación en 2008. Seguntes o Ministerio de l’Interior espanyol, a las dos d’a tardi heban votau o 39,56% d’os aragoneses con dreito a voto. En 2008, a la mesma hora, heban siu un 42,40% os ciudadans que heban pasau a deixar o voto en a urna.

Por circunscripcions, Uesca caye d’o 40 dica o 37%, Teruel caye nomás un punto d’o 39 dica o 38% y Zaragoza caye tres puntos d’o 43 dica o 40%.

A ran estatal, tamién a esferencia con as zagueras eleccions ye de poco más de dos puntos, porque dica las dos d’a tardi heban votau o 37’8% d’os electors, mientres que en 2008 estioron un 40%. Nomás en o País Vasco ha puyau a partecipación, un punto, y a las dos d’a tardi os valencians son os que más s’han amanau a o colechio electoral.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.