David Cameron concara la vada más important d’as zaguers trenta anyadas

El sector públic torna al carrer per contestar la reforma de les pensions del govern britànic

30 noviembre, 2011 | | Autor: Arredol | Tweet

David Cameron (Foto: Prime Minister's Office)

O Reino Uniu ye vivindo hue una nueva chornada de vada que puet paralizar o país. Os mas de trenta sendicatos que la refirman creyen que dos millons de treballadors d’o sector publico secundarán a protesta contra a reforma d’as pensions; a vada será prou important en as escuelas, espitals, chuzgaus y transportes.

Preveyen que a vada afectará a os aeropuertos. L’operador de Hethrow ha demandau a la aerolinias que achiquen a la metat o numer de viacher ta escusar un colapso. D’atra man , o gubierno crei que bells 20.000 achents d’inmigración d’os aeropuertos secundarán a vada y ha achustau funcionarios que les quieran sustituyir. David Cameron no descarta recurrir a l’exercito si creye que cal.

Ista no ye a primer vada contra a reforma d’as pensions que fan os funcionarios, que ya salioron t’a carrera a primers d’estiu. Manimenos, talment siga la más multitudinaria; os sendicatos, entre os que bi ye o principal d’o sector publico, Unison, y o más important d’o Reino Uniu, Unite, presentan ista vada como a más important dende 1979 , en “l’hibierno d’o descontento” que obligó a lo gubierno laborista a convocar unas eleccions que levaron a Margaret Thatcher t’o poder.

A reforma de David Cameron proposa de rezagar a edat de chubilación, aumentar as contribucions individuals y achiquir a pensión de chubilación, que saldrá d’una meya de todas as anyadas treballadas y no pas d’o zaguer chornal.

Os sendicatos consideran inchusta a reforma encara que lo gubierno la esfenda. Iste presentó a primers de noviembre una nueva ufierta, a on que a chubilación a os 67 no afetaría a los funcionarios que se chubilasen ista decada, pero critica que a vadase faiga agora y se pena d’as perdas que causará.