David Cameron presenta un abantprochecto de lei ta fer un referendum sobre a UE en o cabo de 2017

O primer ministro britanico quiere prebar de frenar asinas o creixent antieuropeismo dentro d'o Partiu Conservador

ukO Partiu Conservador britanico, encabezau por o primer ministro David Cameron, presentó ahiere un abantprochecto de lei ta fer a la fin de 2017 un referendum sobre a continuidat de Gran Bretanya en a Unión Europea, seguntes un portavoz d’a formación. Cameron prebaría asinas de contener a presión d’os parlamentarios antieuropeistas que le exichen que faiga a consulta sobre a permanencia en a UE u no antes d’as esleccions proximas, previstas t’o 2015, u que aprebe una nueva lei en que se comprometa a fer-la en 2017.

‘O Partiu Conservador ferá publico hue (por ahiere) un esbruixallo de lei ta lechislar sobre a celebración d’un referendum a la fin de 2017’, indicó ahiere un portavoz d’o primer ministro y chefe d’os Tories: ‘Estudiaremos todas as oportunidatz ta levar a lei a o parlamento.’

A presentación d’un abantprochecto de lei ta fixar a calendata d’o referendum s’ha sabiu pocas horas dimpués que o domingo dos ministros de peso, o d’Educación y o d’Esfensa, hesen asegurau que votarían a favor d’a salida de Gran Bretanya d’a UE.

Fuent: http://www.vilaweb.cat/noticia/4114940/20130514/david-cameron-presenta-avantprojecte-llei-referendum-ue-final-2017.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.