DC Universe Online será de baldes dende octobre

Sony preba asinas de enamplar o numer de chugadors.

Monyaco de batman (Foto: Compulsive Collector)O videochuego masivo en linia DC Universe Online pasará a poder-se chugar de baldes o venient 1 c’octobre. Dimpués de bells meses, l’exito d’o chuego no ye estau guaire, asinas que Sony ha decidiu de fer posible chugar de baldes ta poder competir con atro chuegos.

En iste chuego, que se puet fer servir en PC y Play Station 3,  puetz fer-te un personache d’o universo de superheroes de DC. Ista companyía editorial ye qui publica, por eixemplo, os comics de Batman, Superman, Grenn Lantern u Flash.

Dende octobre bi habrá tres rans de chugar. En o ran Free, no s’han de bosar mica diners. Os chugadors tienen acceso a tot l’universo y pueden creyar dos personaches. Bosando tamién pueden enamplar poders, mercar más personaches u trastes.

En o ran Premium s’han de bosar un minimo de 5 euros ta conseguir más acceso a nuevas aventuras, más personaches y poders y asinas asinas. O ran Legendary costa 15 euros a lo mes, pero no bi ha quasi garra muga en tot lo que se puet fer en o chuego.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.