Debantadera d’os cursos d’aragonés de Nogara

Prencipia con iste acto, o curso 2011-2012. S'ufren cursos presencials y on-line.

Ista tardi, a las 20:00 Nogara ferá o suyo tradicional acto de debantadera d’os cursos d’aragonés de l’anyada 2011-2012. L’acto penderá en una dentrega de diplomas a la chent que fació os cursos de primer y segundo ran l’anyada pasada. Dimpués bi habrá una brenda con gaiters ta tot qui se i amane.

Nogara leva bellas vint anyadas fendo cursos d’aragonés en a ciudat de Zaragoza. Antimás, en istas zaguers anyadas ha espardiu l’actividat suya por atros puestos d’Aragón como Calatayub, Tauste u Tarazona. Tamién estió a primer asociación en ufrir cursos on-line, estando tot un exito. Todas as anyadas tienen más de cient alumnos, seguntes fuents de l’asociación, entre presencials y a distancia.

Os cursos, que prencipiarán a semana venient, durarán dica la fin de mayo si fa u no fa. En total son bellas 70 horas cadagún d’os dos rans que ufren. Un primer ran ta chent que no’n sabe mica, d’aragonés, y unatro ta qui tien bells conoiximientos u ya en ha feito o primer.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.