Debat sobre o “Plan Rete de carreteras”

O PSOE esfiende o Plan y CHA y IU critican a colaboración publico-privada

Foto: Gubierno d'AragónAs carreteras han estau protagonistas hue en as Cortes. Rafael Fernández de Alarcón, conseller d’Obras Publicas ha charrau, por demanda d’o PSOE, sobre l’estau d’o Plan Rete de carreteras, un plan d’obras que se prolargaría mientres nueu lechislaturas.

O conseller diz haber analizau “a monico” o plan que diz que “no tien garra chustificación de porqué se trigoron unas infraestructuras y atras no pas”. Tamién ha dito que “un plan que no se puet bosar no se puet fer”. L’executivo ha esfendiu que o Plan Rete no se puet fer porque suposaría que endeudar a Aragón mientres ista lechislatura y as nueu venients.

Con tot y con ixo, Fernández de Alarcón ha sinyalar que “si as concesionarias cumplen, o Gubierno habrá de cumplir”, adhibindo que se ferá lo que calga ta poder concarar os pagos. O conseller ha confirmau que continarán treballando en as infraestructuras aragonesas, “pero si ye con o Plan Rete nos costará más caro”.

O PSOE ha esfendiu o plan que aproboron mientres a pasada lechislatura. Javier Sada, o suyo portavoz parlamentario creye que “o Plan Rete ye una apuesta estratechica por o futuro d’Aragón”, encara que son dispuestos a charrar con o PP “t’amillorar o plan”.

IU y CHA ha criticau lo plan y, mas que más, a colaboración publico  privada que creyen que ye “un proceso de privatización amagau baixo a bolaboración”, como declarío Gregorio Briz, de CHA. Ta iste diputau, un atro problema ye que “quan plegue a reyalidat pararán cuenta de que no se puet fer [o Plan] porque no s’achustaría a lo teito de gasto”.

Fuent: http://www.aragon2.com/n-13122-2-Fernandez_Alarcon_plan_financiable_posible

Una rispuesta a Debat sobre o “Plan Rete de carreteras”

  1. Ye vergonyoso como son as carreteras en Aragon. Quan viacho por as carreteras de Moldavia (país mas pobre d’Europa) me digo ta yo “qu’imbidia”. Como puet estar ixo posible? Me quacaria qu’istos deputaus se pillasen lo suyo auto oficial con os suyos chofers se puyen ta os lugars de montanya y veigan como mos tienen.

    Amenistamos infraestructuras y ya habrian de estar feitas fa muitos anyos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.