Declarau o livel 1 d’alerta por rabia en Monzón

O can que o pasau 1 de chunio mosegó a cinco personas en Toledo, pasó por Monzón d'o 7 a l'11 de mayo

Declarado_el_nivel_1_de_alerta_por_rabia_en_Monzon_50274As direccions chenerals de Salut Publica y Alimentación y Fomento Agroalimentario d’o Gubierno d’Aragón, han declarau o livel d’alerta 1 en o municipio de Monzón, d’alcuerdo a o Plan de Continchencia t’o control d’a rabia en animals domesticos en Espanya. Ista decisión s’ha adoptau entre a reunión que han manteniu as dos direccions chenerals y o Concello de Monzón.

O livel d’alerta 1 se debe a que o can pitbull, que o pasau 1 de chunio mosegó a quatro menors y un adulto en Toledo, antes d’estar abatiu por a policía, estió de paso en Monzón entre os días 7 y 11 de mayo. Ye por ixo que s’ha alcordau iste livel d’alerta -o mas baixo d’os tres existents- que s’aplica quan se da un caso de rabia en o territorio de l’Estau.

Gracias a las midas presas por o Gubierno d’Aragón t’o control y seguimiento d’a población humana y canina en Monzón, por agora s’han detectau dos contactos humanos con o can infectau a qui se les ha administrau a vacuna y immunoglobulina antirrabica. Amás s’ha contabilizau una persona con proximidat pero sin contacto t’o qual no ha caliu a vacunación. Asinas mesmo, o pasau viernes 7 de chunio s’atendió en o Centro de Salut de Monzón Urbano a un choven de 17 anyos con una mosegada d’un can asilvestrau, en paradero desconoixiu, por o que s’han preso as midas de prevención postexposición como a vacuna y immunoglobulina antirrabicas.

Por o que fa a posibles contactos con atros cans d’ista localidat, Salut Publica de conchunta con Alimentación y Fomento Agroalimentario en coordinación con a policía municipal de Monzón, continan investigando. Encara que cal recordar que a vacuna contra a rabia ye obligatoria en Aragón. Amás, dende a Dirección Cheneral d’Alimentación y Fomento Agroalimentario informan que s’han extrahiu muestras de sangre a os quatro cans en observación, ta confirmar a protección immunolochica como conseqüencia d’a vacunación realizada en a campanya de 2012, ninviando ditas muestras a o centro nacional de referencia, a o Laboratorio de Sanidat Vechetal en Granada.

Asinas mesmo, Salut Publica ha reforzau o sistema de notificación en as zonas de salut de Monzón (rural y urbano), Balbastro, Binefar, Sarinyena y Berbegal, asinas como en l’Hespital de Balbastro, dada a ubicación u proximidat con o municipio de Monzón. En iste sentiu, qualsiquier exposición de risque u agresión por animal, debe notificar-se con caracter urchent a la Subdirección de Salut Publica de Uesca en horario laboral (telf. 974293200) u a o Sistema d’Atención a Alertas en Salut Publica a traviés d’o 112 fuera de dito horario, con l’obchectivo de localizar lo antes posible a l’animal agresor y prener as midas pertinents en os exposaus.

Fuent: http://www.aragon2.net/n-20943-2-Declarado_nivel_1_alerta_rabia_Monzon

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.