Demandan a fin d’o bloqueyo contra Cuba en a ONU

Ista será a vintena anyada consecutiva que l'Asambleya en charra y s'aspera que igual coomo as 19 anteriors, o pleno aprebe una resolución de condena a l'asedio de Washington contra a isla d'o Caribe.

Nacions Unidas, 25 setiembre. Por vintena anyada consecutiva a demanda mundial por que remate o bloqueyo de EE.UU. Contra Cuba prene rasmia en o pleno de l’Asambleya Cheneral d’as Nacions Unidas, cumplidas quatre chornadas de discursos. Iste a fer apareix en o programa de
debatz d’o maximo foro mundial baixo o titol “Necesidat de meter  fin a lo bloqueyp economico, comercial y financier imposau por los Estaus Unius d’America contra Cuba”, ta estar charrau en octobre.

En exponer ista demanda debant d’o foro d’os 193 Estaus miembros d’a ONU, o president de Perú, Ollanta Humala, dició que “o camín d’a paz y a reconciliación pasa por rematar con o bloqueyo de Cuba”.

Poco antis o mandatario de Suriname, Desiré Delano Bouterse, afirmó que o cerco norteamericano contra la mayor d’as Antillas fa mas dificil a situación d’o pueblo cubano y tienen un efecto negativo sobre o futuro

O chefe d’Estau preguntó a l’Asambleya cheneral quantas resolucions mas cal adoptar (en a ONU) antis de que se faiga chusticia t’o pueblo cubano y demandó una nueva condena d’ixe organo a lo bloqueyo que dura ya meyo sieglo.

O president d’Uruguay, Fernando Lugo, adedicó un destacau espacio d’a suya intervención a la qüestion d’ixe asedio y remerí a historica posición d’o país suyo y d’America Latina y o Caribe a favor de que rematase de camin ixa mida.

Dició que ixe “engarchole” afecta o libre intercambeo y a practica transparent d’o comercio internacional y ratificó queParaguay no reconoix l’aplicación extraterritorial de leis internacionals que enristen a soberanía d’atros estaus.

En o suyo turno, o chefe d’estau boliviano, Evo morales, resaltó que cada anyada quasi o 100 por cient d’os miembros de Nacions Unidas, fueras d’Estaus Unius y Israel, desichen que remate o bloqueyo a Cuba.

D’iguals trazas, o mandataire de Guatemala, Álvaro Colim, reafirmó o suyo refús a la practica de meter pinyoras y a las midas coercitivas adoptadas unilateralment y demandó “a lo Gubierno de Estaus Unius que ature l’embargo economico a la Republica de Cuba.”

En a tercer chornada de  discursos, o president de El Salvador, Mauricio Funes, vincló a suya critica a lo bloqueyo con a importancia d’una America Latina fuerte y unida.

Consideró que l’asedio d’EE.UU. contra a isla antillana ye “un anacronismo y un episodio pasau d’historia que queremos superar de tot”, y antimás “un trango ent’a desunión, un estorbo en o curso d’a historia”.

Tant y mientres, o primer ministro de Granada, Tillman Thomas, subrayó que o bloqueyo a Cuba ye una inquietut caribenya y que “totz
fueras de bells poquetz miembros d’a ONU” han votau sistematicament por sacar-lo.

D’a mesma trazas y tamién d’o Caribe charroron os primers ministros de San Vicente y Granadinas, Antigua y Barbuda, Barbados y Saint Kitts.

Dende Africa, o refús t’o bloqueyo plegó d’os representants de Surafrica, Tanzania, Timor, Namibia y Guinea Bissau

Ista será a vintena anyada que se’n charra en l’Asambleya ista qüestión y s’aspera que igual como en as 19 anteriors, o pleno aprebe una resolución de condena a o bloqueyo de Washington contra la isla caribenya.

L’anyada pasada, o refus a ixe bloqueyo estió refirmau por 187 países frent a los unicos votos de Estaus Unius y Israel y as abstencion d’Islas Marshall, Micronesia y Palau.

Fuent: http://www.kaosenlared.net/noticia/como-cada-ano-piden-fin-bloqueo-contra-cuba-asamblea-general

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.