Demandan inversions t’amillorar a comunicación en o Sobrarbe

O PSOE critica l'estau d'a carretera A-138 que va t'o tunel de Bielsa

Tunel de Bielsa (Foto: Wikipedia)

Tunel de Bielsa (Foto: Wikipedia)

O portavoz de Obras Publicas d’o PSOE, José Ramón Ibáñez, ha demandau iste martes a lo Gubierno d’Aragón que faya antis con antis as fainas de mantenimientos que calen en a carretera A-138 entre L’Aínsa y Salinas, en a comarca d’o Sobrarbe, en viyer-se grieus deficiencias y foraus y prochectar-se “una imachen tercermundista” a las personas que traviesan o tunel de Bielsa enta Aragón. Ista demanda se traduce en una esmienda a los presupuestos de chenerals de 250.000 euros ta fer o mantenimiento en ixa parti.

Ibáñez crei que “ye penible que o conseller d’Obras Publicas d’o Gubierno de Rudi haiga estau dica agora más preocupau en adchudicar a mayoría d’os concursos de carreteras que han saliu en dos anyos en Aragón a interpresas de difuera d’a Comunidat que en que se fayan os mantenimientos d’as nuestras carreteras a escape, como pasa en ista parti d’a A-138”. “Femos una imachen penible“, opina o diputau.

O PSOE ha demandau que se fayan apriseta os dos carrils d’acceleración ya adchudicaus d’a A-138 “t‘amillorar a comunicación con o Sobrarbe, ya que dende que o PP plegó en o Gubierno ha aturau con a declaración negativa d’a N-260, en o trampo entre  Yebra de Basa y Fiscal, ha aturau a restitución de Chanovas, ye en “punto muerto” o prochecto d’eficiencia enerchetica y ye discriminando a los agricultors y ganaders d’o medio rural en a comarca d’o Sobrarbe, y en tot Aragón, porque no cumple y no les paga las aduyas compromesasde agroambientals ni la Indemnización Compensatoria Basica”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.