Denuncian a desaparición d’un universitario en Zaragoza

Un estudiant universitario ye desapareixiu en Zaragoza dende a maitinada d'o pasau viernes

Florencio Eworo Ayingono ye un universitario de 21 anyadas con graus problemas de visión que dende a nueit d’o pasau viernes ye desapareixiu dimpués de salir de borina en Zaragoza con amigos suyos d’a ONCE. Se le viyó por zaguer vegada a las 4:30 h. d’a maitinada d’o viernes en a carrera Estébanes (paralela a la carrera Méndez Núñez en o Casco Viello zaragozano).

Sus pais metioron denuncia en a policía a l’atro’l día dimpués de comprobar que no heba plegau en casa y no haber puesto contactar con ell. Sus pais han comentau que “nunca no heba feito una cosa parellana”.

O choven estudea Cheografía en a Universidat de Zaragoza, mide 1,75 m., pesa 80 kg. y vive en o vico de Sant Chusé. Vestiba quan desapareixió o tricot d’a foto y valons vaquers. No portaba gafas en ixe momento a tamás de tener una deficiencia visual d’un 80%. Familiars y amigos demandan que si se le veye se contacte a escape con a policía u con o telefono 654 236 840.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.