Denuncian ataques d’a ultradreita contra diversas webs informativas

La Directa, Infolibre, Kaos en la Red, entre atras mas, son estando atacadas dende fa diez días

Mapa d'os diversos puntos d'ataque

Mapa d’os diversos puntos d’ataque

O semanario La Directa ha denunciau que qualques webs d’información d’o estau espanyol, como a suya mesma u as d’Infolibre, Kaos en la Red, Diagonal u Periodismo Humano, han estau atacadas dende o día venient d’o 12 d’octubre. Qualques especialistas en seguranza informatica ‘consideran que l’actuación s’ha feito a traviés d’o sistema d’ataque de denegación de servicios (DDos) y ha sumau dica 34.000 maquinas en os momentos mas alchidos’.

O servidor de contrainformación en ret Nodo50 informa en detall d’a evolución d’iste ataque.

Seguntes La Directa, istes ataques se chestionan a traviés ‘de grans retz mafiosos internacionals especializadas en a ciberguerra, y suposan uns gastos de mas de 1.000 euros a la hora t’o contractant’.

A Federación de Sindicatos de Periodistas d’o estau espanyol ha emitiu un comunicau contra l’ataque y ha anunciau que heba ubierto dilichencias chudicials ta investigar quí i hai dezaga de l’intento de bloqueu.

Fuent: http://www.vilaweb.cat/noticia/4151440/20131022/directa-denuncia-atacs-cibernetics-ultradreta.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.