Denuncian l’uso de vidios sexistas en un curso medico en Chaca

En o curso, organizau por a Policía Nacional espanyola, se i amostraban diferents tecnicas medicas con imachens de conteniu sexista

Una denuncia por discriminación sexista ha estau mesa en una comisaría de Chaca por parte d’una d’as asistents a un curso medico organizau por a Policía Nacional espanyola, debiu a l’uso de vidios sexistas do se denigra a las mullers. O curso se realizó a demanda d’o concello de Chaca y iba dirichiu a policías locals d’a localidat pirinenca.

O vidio amuestra tecnicas de resurrección y primers auxilios con modelos en ropa interior y sucherindo diversa actividat erotica. Os vidios, seguntes a Chefatura Superior de Policía d’Aragón, no perteneixen a o material oficial d’o cuerpo policial y fuoron emplegaus por o medico y l’ATS encargaus d’a formación. A Chefatura a demandau sincusas por l’uso d’iste material.

A cursillista denunciant declaró que l’ATS advirtió “ironicament” que i amaneixeban mullers en ropa interior, indicando que “i heba mullers que se heban sentiu molestas en atras ocasions“.

Leticia Crespo, secretaire d’Igualdat de CHA, ha denunciau “l’uso sexista d’as mullers dentro d’os cursos de formación d’un cuerpo de policía, que se pagan con diners publicos”, calificando-lo de “vomecadizo”. Asinas mesmo, Crespo demanda una investigación interna pa depurar responsabilidatz.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.