Denuncian posibles maltractos y agresions mientres as protestas d’a vada en Uesca

O Comité de vada ciudadan de Uesca demanda una reunión con o comisario d'a Policía Espanyola de Uesca

Una d'as manifestacions d'a vada en Uesca (Foto: Arainfo)

Una d’as manifestacions d’a vada en Uesca (Foto: Arainfo)

O comité ciudadan d’a vada de Uesca ha denunciau o tracto recibiu de man d’a policía de tres d’os suyos integrants qui “les han levau de trazas agresivas fisicament y verbal” y que un d’ells, estudiant universitario, “ha saliu de comisaría con moraus por a cara”.

Os feitos pasoron en o bicipiquete programau de maitins por as carreras uescanas, una acción que o comité define como “de raso lechitima, aintro d’a normalidat en una chornada de protesta y acorde con os dreitos politicos reconoixius legalment”.

O comité, que diz que no consentirá “ni ista ni garra agresión a personas que fan servir os suyos dreitos ciudadans”, exiche a “neutralidat d’a policía en os debatz politicos y socials que ye habendo-ie en l’Estau espanyol”. “A faina d’a policía ha d’estar esfender o exercicio d’os dreitos de todas las personas, incluyidas as que se manifiestan en as carreras”, diz o comunicau d’o Comité.

Por agora, y como primer actuación, han demandau una reunión con o comisario d’a policía espanyol de Uesca ta “comunicar-le l’anvista d’o Comité, conoixer que actuacions se van a prener, y prebar de asegurar una adequada convivencia futura en a ciudat.”

 

Una rispuesta a Denuncian posibles maltractos y agresions mientres as protestas d’a vada en Uesca

  1. Pingback: Denuncian posibles maltractos y agresions mientres as protestas d’a Vada en Uesca | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.