Denuncian que o concello de Zaragoza premia a FAS pero li niega aduyas

Si no se convocan as aduyas, s'anularan as d'iste exercicio, quasi 4 millons d'euros

O Concello de Zaragoza ha concediu a la Federación Aragonesa de Solidaridat o titulo de filla predilecta d’a ciudat, pero a propia organización, refirmada tamién por a colla municipal d’IU, denuncia que, mientres, no s’han publicau a concesión d’a aduyas a o desembolique, que suposan 4 millons d’euros que podrian tresbatir-se.

Seguntes a FAS, o presupuesto d’o concello ta solidaridat s’amana a o 0,6%, pero ista quantidat peligra, porque no s’han feito efectivas as partidas d’o presupuesto 2011 en ista demba. En concreto, son a partida de subvencións de solidaridat y cooperación a lo desembolique, de 560.000 euros y a de solidaridat y prochectos d’inversión de cooperación a lo desembolique, de 3 millóns d’euros.

Tanto a FAS como IU creyen que si a convocatoria d’aduyas ta la suya execucion no se fa iste mes de setiembre puestar no se tienga tiempo de fer efectiva a partida d’o presupuesto de 2011. Ista manca d’efectiu afectaria a prochectos d’augua, salud, educación u agricultura en paises con graus carencias.

Fambre en o Cuerno d’Africa

Tamién as partidas adedicadas a urchencias, como a situgacion de fambre d’o cuerno d’Africa, son afectadas por a no execución. Ye una partida de mas de 130.000 euros que encara no ha estau cursada, y que, como remera FAS, ye un compromís d’o Concello.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.