Denunciau por enganyo o collar quantico

A organización de consumidors FACUA denuncia iste traste y demanda que no pase como con a Power Balance.

Foto: Dimland

Foto: Dimland

A organización de consumidors FACUA ha denunciau a cinco interpresas debant d’as autoridatz sanitarias por a comercialización de “collars quanticos”. Seguntes istas interpresas – Q-Link, Dalimara Quantum, Quantum Science y Cinco Estrellas- os collars son feitos de “minerals con propiedatz naturals curaderas” y pueden dar a qui lo porta más fuerza, flexibilidat y resistencia.

Istas interpresas, que fan servir famosos y chent que se suposa que son medicos en a suya publicidat, aseguran que os collars pueden “eliminar toxinas d’o cuerpo nuestro ta poder escoscar l’aura y curar os chakras”, que “isolan d’as radiacions” u que “enamplan o rendimiento esportivo y protechen d’as freqüencias cheneradas por autos y telefonos movils”.

FACUA ha demandau tamién a las autoridatz sanitarias que sigan más competents que no en o caso d’as Power Balance. Istas monyiqueras se facioron famosas por levar-las chent conoixida como o Principe de Girona y Asturias u Leire Pajín, qui ta part d’alavez yera Ministra espanyola de Sanidat. En chuicio en Andalucía se condenó a la interpresa a bosar nomás 15.000 euros por fraude habendo ganau cualques millons d’euros con a venda d’as monyiqueras.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.