Desaloixan l’IES de Samianigo en detectar-se-ie crepas

Hue viernes ya i han tornau as clases en valurar que no existe risque t'as personas

ies san alberto magno

Foto: IES San Alberto Magno

Ahiere de mediodiyas estioron desaloixaus tanto alumnalla como profesorau y personal de l’IES San Alberto Magno de Samianigo en apareixer-ie crepas dimpués de sentir-se bells rudios. Tanto os bombers d’a comarca como Guardia Civil y Policía Local i fuoron alertaus dende o propio centro. Tamién se i desplazó o Director Provincial d’Educación, José María Cabello.

Manimenos, dimpués d’observadas as crepas, se confirma que no existe risque en a estabilidat de l’edificio, por o que hue viernes han tornau as clases a iste instituto. S’han colocau testigos en as crepas ta cusirar a evolución d’as mesmas.

L’edificio se construyó en 2004 y no constan anteriors feitos similars. O curso continará y rematará con normalidat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.