Descenso d’un 23% d’os accidents laborals con baixa en Aragón en os zaguers tres anyos

O director cheneral de Treballo d'o Gubierno d'Aragón, Jesús Divassón, ha explicau iste descenso, que contrasta con a puyada de l'ature

Jesús Divassón en foto d'archivo en as Cortz d'Aragón. Foto: www.cortesaragon.es

Jesús Divassón en foto d’archivo en as Cortz d’Aragón. Foto: www.cortesaragon.es

Jesús Divassón, director cheneral de Treballo d’o Gubierno d’Aragón, ha explicau hue en as Cortz aragonesas, en a Comisión d’Economía y Emplego, a evaluación d’a Estratechia Aragonesa de Seguridat y Salut en o Treballo, guida pa la reducción d’a siniestralidat laboral.

O director cheneral ha fablau tanto d’o control d’o cumplimiento d’a normativa como d’o fomento d’a cultura preventiva pa que os interpresarios cumplan con as suyas obligacions en a materia.

Como datos, dende abril de 2011 dica chunyo de 2013 s’han realizau 98 actuacions d’as 121 previstas en as dos primeras fases d’a Estratechia, un cumplimiento d’o 81%. En os tres zaguers anyos, l’indice d’incidencia (que mide a siniestralidat laboral) ha diminuiu en un 23%. “En 2011, pasamos de 34,2 a 31,5 accidents laborals con baixa por cada 1.000 treballadors y, en 2012, l’indice s’ha reduciu dica 26,3 accidents”, ha comentau Divassón.

Manimenos, en a reducción d’istas cifras ha puesto influir l’aumento d’a taxa d’ature, que ha puyau un 23,15%, dende a calendata proporcionada por Divassón, seguntes a EPA, que contrasta con o 23% de reducción de l’indice d’incidencia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.