Deschelo d’o 97% d’a superficie chelada de Groenlandia

Satelites y scientificos d'a NASA constatan un inusual deschelo en a isla artica en chulio, o mayor en 30 anyos, en bell meyo d'una ola d'aire calient inusual

Fuent: NASA

O chelo que cubre a gran parti d’a superficie de Groenlandia, s’ha regalau en un 97% seguntes scientificos d’a NASA gracias a las observacions feitas meyant satelites. Ye o mayor deschelo en 30 anyos. En verano ye normal que se regale arredol d’a metat d’a superficie de chelo existent en a isla, pero iste anyo a fusión ha estau muito mas gran.

Iste feito, debiu a las altas temperaturas, y que s’ha produciu a metat de chulio en nomás que uns quatro diyas, no se sabe encara si afectará a o volumen global de perda de chelo d’iste verano ni si puyará o ran d’o mar. O diya 8 de chulio s’alufró un deschelo d’un 40%, mientres que o 12 ya afectaba a un 97% d’a superficie chelada d’a isla.

En bell meyo d’una ola d’aire calient inusual que dende o cabo de mayo ye afectando a la isla artica, l’analís de nuclios de chelo, revela que ista mena de fusions ocurren cada 150 anyos aproximadament. A zaguera n’estió en 1889. Manimenos, si istos fenomenos se suceden en os venients anyos revelarían una situación preocupant debiu a o cambeo climatico global. A semana pasada ya se desprendió un granizo iceberg d’a grandaria de Barcelona en o glacial Pettermann.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.