Descubierta una nueva familia de farmacos contra o cancer

Ataca as celulas tumorals dende o sistema immunitario. Os asayos s'han aplicau en casos de pacients con melanoma abanzau

cancerA Sociedat Americana d’Oncolochía Medica ha presentau iste cabo de semana en Chicago una nueva familia de farmacos que puede fer cambiar o tractamiento d’os casos de cancers, especialment en os melanomas abanzaus, tot y que puede estar aplicable a os tumors pulmonars, renal y de colon y que ya han feito metastasi. Se tracta d’o PD-1 y o PDL1, que ataca as celulas tumorals dende o mesmo sistema immunitario. As conclusions de l’estudeo forman parte d’una larga investigación de l’inhibidor PD-1 clamau nivolumab en casos de melanoma abanzau y en que s’ha contrimostrau un alargamiento d’a supervivencia d’os pacients en uns 17 meses.

En l’estudeo, i participoron 107 pacients con melanoma abanzau que recibioron un tractamiento de nivolumab consistent en ueito ciclos y que se suministró cada dos semanas en cinco dosis diferents. Actualment, se ye evaluando en malaudos que presentan melanomas abanzaus.

A media global de supervivencia con nivolumab plegó en os 16,8 meses en todas as dosis y a os 20 meses en as dosis de 3mg/kg, comparau con os datos historicos d’atros achents como ipilimumab y o vemurafenib. O 62% d’os pacients sobrevivioron a o primer y o 43% a o segundo.

Responsables d’o descubrimiento han explicau en o transcurso d’o congreso d’a Sociedat Americana d’Oncolochía Medica que a respuesta d’o tractamiento estió ‘rapeda y duradera’. L’obchectivo inicial de respuesta d’as dosis de nivolumab estió d’o 31% pero plegó dica o 41% en pacients con una dosi de 3mg/kg. A diferencia d’os CTLA-4, que ye una molecula que empacha a o sistema immunitario estricallar as celulas tumorals, quasi a metat d’os pacients, un 45% han reduciu en a lo menos un 30% a mida d’o tumor dimpués d’a primera preba en as ueito semanas de tractamiento.

Os efectos secundarios mas comuns a o nivolumab se presentan en a piel, en os sistemas gastrointestinal y endocrino, tot y que en tres de cada quatro casos nunca no ha excediu d’o 2%.

Fuent: http://www.vilaweb.cat/noticia/4121200/20130603/descoberta-nova-familia-farmacs-cancer.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.