Descubren o mecanismo de funcionamiento d’as metastasis cancerosas

Si s'aconsigue elaborar un farmaco, reduciría notablement a taxa de mortalidat d'o cancer

Joan Massagué. Foto: Memorial Sloan-Kettering Cancer Center (CC-BY-SA)

Joan Massagué. Foto: Memorial Sloan-Kettering Cancer Center (CC-BY-SA)

O scientifico catalán Joan Massagué ha descubierto o posible mecanismo d’a metastasi, o proceso por o que as celulas cancerichenas s’esparden enta atros organos y partes d’o cuerpo humano.

Dende o Centro Memorial Sloan Kettering de Nueva York, a on treballa o scientifico, Massagué ha empecipiau a treballar en a creyación d’anticuerpos ta combatir-las y evitar-las. Manimenos encara queda prebas ta contrimostrar a suya eficacia. Isto levaría a desenrollar medicamentos especificos contra as metastasis.

A plasmina, enzima anticoagulant present en a sangre, pareixe estar a clau, pues empacha que as celulas cancerichenas s’adhieran a os vasos sanguinios y amás aconsiguie que istas celulas s’autodestruigan.

Agora que, una chicota parte d’istas celulas malaudas son capables d’evitar o efecto d’a plasmina mediant a molecula L1CAM. Massagué ye treballando ta aconsiguir un farmaco que pueda bloquiar ista molecula y destruir as celulas cancerichenas.

O scientifico y o suyo equipo asperan que, una vegada aconsigan istos abances, a taxa de mortalidat d’o cancer pueda viyer-se diminuida notablement.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.