Detenida a cupula d’a colla de seguridat ESABE

Podrían haber defraudau bells 30 millons d'euros a la Seguridat Social

Treballadors d'ESABE protestando (Foto: Sirius)

Treballadors d’ESABE protestando (Foto: Sirius)

A policia ha deteniu a la cupula d’a colla interpresarial ESABE, adedicada a la seguridat privada por diversos delitos relacionaus con a suya actividat economica, asinas como por un fraude de 30 millons d’euros a la Seguridat Social. Seguntes fuents d’a investigación os detenius son diez personas, entre ells, os amos, directivos y executivos d’a colla interpresarials. S’han feito tamién ueito rechistros en diferents siedes d’a companyía, más que más en Madrit.

A los detenius se les acusa de delitos d’alzamiento de bien, insolvencia punible, falsedat documental y delitos contra la Seguridat Social, a la que podrían haber defraudau bells 30 millons d’euros, seguntes fuents d’a investigación.

A operación ye estada desembolicada por a Unidat Central de Seguridat Privada d’a Comisaria Cheneral d’a Policia Chudicial d’a Policia Espanyola. A “cupula” ESABE ye estada detenida por formar un tarabidau interpresarial en a demba d’a seguridat privada ta conseguir, seguntes as fuents, “esquilmen ilicito” a traviés d’as actividatz economicas que se’n dedican, más que más, seguridat privada y escosque.

Fuents d’a investigación han explicau que mientres a mesma s’ha determinau que os detenius incurriban tamién en competencia desleyal.

Fuent: http://noticies.sirius.cat/2012/12/detinguda-la-cupula-del-grup-de.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.