Detenidas en Uesca, Teruel y atras ciudatz 41 presonas por creyar interpresas ta cobrar l’ature

Achents d’a Policía espanyola han esfeito un grupo organizau adedicau a la constitución de falsas interpresas de limpieza d’edificios, sin actividat real, ta efectuar altas de suposaus treballadors que posteriorment cobraban diversas prestacions y subsidios por desemplego. I hai 41 personas detenidas, entre ellas o prencipal mainate d’o ret, en Aragón han estau detenidas 21 presonas en Uesca y 2 en Teruel. Tamién i hai detenius en Lleida, A Rioxa, Valencia, Malaga y Tarragona. A mayoría d’os presuntos treballadors yeran mullers, ta privar devantar sospeitas, que abonaban a o responsable d’a organización 400 euros por a suya alta en o Rechimen Cheneral d’a Seguranza Social. Amás, li feban ingresos de mensualidatz de 250 a 300 euros que correspondeban a las condutas que heban de pagar entre o tiempo que suposadament remaniban en as interpresas. En total, con istas practicas fraudulentas, habrían causau un prechudicio economico a las arcas publicas superior a os 261.000 euros. S’han bloquiau 26 cuentas bancarias ta guarenciar l’abono d’as cantidatz debidas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.