Deteniu en Mequinenza un presunto ladrón que alzaba un fusil d’a Guerra Civil con mil cartuchos

Se le considera autor d'o furto d'un coche en Fayón y maquinaria industrial, amás d'a posesión ilegal d'o fusil y os cartuchos

A Guardia Civil ha deteniu en Mequinenza a un presunto ladrón que alzaba en o suyo garache un fusil Mauser d’a Guerra Civil y mil cartuchos. Amás, a iste choven de 27 anyos se le considera autor d’o furto d’un vehíclo en Fayón, amás d’unatro de maquinaria industrial.

En a maitinada d’o pasau sabado a Guardia Civil recibió a trucada d’una persona que heba visto bells vehíclos sospeitosos amán d’una torre en Mequinenza. A l’atro’l día se denunció o furto d’unas baterías y combustible d’un cambión d’a mesma torre.

As investigacions policials levoron a os achents t’o citau garache a on se trobó un coche furtau en Fayón, maquinaria industrial tamién furtada, asinas como un rifle Mauser d’a Guerra Civil con mil cartuchos y de procedencia desconoixida.

O sospeitoso estió deteniu y imputau por dos delitos de furto con fuerza sobre as cosas y unatro de posesión ilegal d’armas. As investigacions encara continan ta aclarir os feitos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.