Deteniu en Tudela o presunto autor d’o tiroteyo de l’ACTUR en Zaragoza

Achents d’a Policia espanyola han deteniu en Tudela a una presona, de 28 anyos, como suposau autor d’o tiroteyo d’o pasau 10 de noviembre en o vico de l’ACTUR en Zaragoza. O deteniu, que risponde a las siglas A.G.A. estio identificau en un primer inte por os vecins d’o vico pero como que eslampó ascape d’o puesto d’o succeso estio imposible ta la policia detener-lo.

O deteniu ha siu trasladau dende Tudela enta la Chefatura de Policia de Zaragoza an que se troba mientres que aspera prestar declaración debant d’o chuez.

En o tiroteyo d’o diya diez dos presonas estioron feridas, una en o chinollo, por un disparo y l’atra en a cara, por un vaso de cristal.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.