Deteniu l’executor d’o asasinato d’o primer ministro serbio Zoran Djindjic

Bojovic ye o cabecilla y un d'os fuchitivos mas buscaus por distintos países y INTERPOL, se le suposan mas de 20 asasinatos entre Serbia, Holanda y Espanya.

Luka Bokovic. (Foto: Ministerio de l'interior d'o Gubierno d'Espanya)

Achents d’a Policía Nacional detenión ahiere de tardes, en un centrico restaurant de Valencia, a Luka Bojovic, -acusau d’o asasinato d’o primer ministro serbio Zoran Djindjic-, chunto a o suyo lugartenient Vladimir Milisavljevic y executor material d’o asasinato.

Tamién ha estau arrestau Sinisa Petric, alias “Baku”, un d’os suyos sicarios u asasino a sueldo d’o grupo, imputau por homicidio doloso y fugau d’una prisión serbia. Luka Bojovic ye o cabecilla d’o grupo paramilitar “Os Tigres d’Arkan”, -conoixius por a suya crueldat entre as guerras d’os Balcanes-, que derivó posteriorment en a mafia serbia “Clan Zemun”. Os atros dos arrestaus son tamién miembros d’o grupo criminal.

A Luka Bojovic le constan diversas condenas en o suyo país por delitos d’asasinato, trafico de sers humáns, drogas y armas, y delitos de prostitución. Con ista detención culmina una operación desembolicada entre mas de vinte meses, en colaboración con as autoridatz serbias y holandesas.

Fuent: http://www.interior.gob.es/press/detenido-luka-bojovic-y-su-lugarteniente-vladimir-milisavljevic-ejecutor-del-asesinato-del-primer-ministro-serbio-zoran-djindjic-13370

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.