Deteniu l’expresident d’a CEOE por alzamiento de biens

Díaz Ferran, fundador d'o Grup Marsans, tien diversas causas chudicials ubiertas por a fallita d'ista interpresa. A policia tamén ha deteniu a l'interpresario valenciano Ángel de Cabo

A policía espanyola ha deteniu a l’expresident d’a CEOE y expropietario d’o Grupo Marsans, Gerardo Díaz Ferrán, en o marco d’una operación a on i hai atras detencions relacionadas con presuntos delitos d’alzamiento de biens y blanquiamiento de diners, seguntes fuents policials. Entre istas, i hai a de l’interpresario valenciano Ángel de Cabo.

Díaz Ferrán deixó a presidencia d’a CEOE en 2010 dimpués d’a fallita d’o Grupo Marsans, que dentró en un concurso de crededors. Precisament ista fallita estió o detonant d’a obridura de bells chuicios y lo metió en o punto de gollada d’a fiscalía por una supuesta apropiación indebida de diners y l’esbarre de capital ta l’extranchero.

Operación ‘Crucero’

A detención de Díaz-Ferran ye emmarcada en a operación ‘Crucero’ que ha realizau a policía espanyola y dende a quala s’han deteniu a nueu personas y s’han efectuau ueito rechistros. No se descarta que en as venients horas se faigan nuevas detencions. A operación ‘Crucero’ ha acayeciu en Madrit y Valencia y ye dirichida por o chudgau Central d’Instrucción numero 6 de l’Audiencia Nacional, en o marco d’una investigación de quantos delitos d’alzamiento de biens y blanqueu de capital, entre atros.

A investigación parte d’a querella presentada por AC Hotels, Meliá, Pullmantur y o grupo Orizonia, contra os antigos propietarios de l’achencia Marsans, Gerardo Díaz Ferrán y Gonzalo Pascual, que ye muerto, o nuevo propietario, Ángel de Cabo, y a interpresa Possibilitum.

Atras causas chudicials

Se troba embrecau en mas causas chudicials, como a d’o forau financiero de Caja Madrid. Como encausau en iste caso, declarará o miercols a o chuez ta explicar a concesión d’un credito a favor de Ferrán de 26,6 millons d’euros. Tanto a Díaz Ferrán como a l’expresident de Caja Madrid Miguel Blesa les imputan delitos societarios y falsedat documental.

Tamién ye encausau por delitos d’apropiación indebida de 4,4 millons d’euros como chestor d’o Grupo Marsans. A fallita deixó mas de 4.700 afectaus y una deuda acumulada de 417 millons d’euros y que se sumaba a la d’Air Comet en 2010.

Amás, a fiscalía le acusa d’haber ninviau 4,9 millons d’euros d’o Grupo en Suiza entre os anyos 2007 y 2009 a traviés d’una interpresa irlandesa d’o Grupo Marsans. Díaz Ferrán ya estió obchecto d’un emparamiento de biens y se declaró en fallita ta no haber d’afrontar as perdas d’o Grupo Marsans, que ascienden a 417 millons d’euros.

Fuent: http://www.vilaweb.cat/noticia/4061199/20121203/detingut-lex-president-ceoe-alcament-bens.html

2 Rispuestas a Deteniu l’expresident d’a CEOE por alzamiento de biens

  1. Este es el que dijo refiriéndose a Esperanza Aguirre: “es cojonuda”.

  2. luego dando lecciones de economia, todos iguales.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.