Deteniu por haber parlau en catalán en Elch en una protesta contra o PP

L'asociación el Tempir denuncia dos casos de discriminación lingüistica por parte d'a policia

Paco Muñoz GiménezL’asociación el Tempir d’Elch fa ista denuncia publica: ‘O pasau 18 de chulio, en a concentración de medio centenar de personas debant d’a siede local d’o Partiu Popular en Elch -en a carrera Marqués d’Asprelles- pa protestar por os casos de corrupción d’o gubierno d’o estau, Paco Muñoz Giménez, conoixiu integrant d’o Grupo Antimilitarista Tortuga, estió deteniu por a policía nacional por o simple feito de dirichir-se en valenciano quan un miembro d’o cuerpo policial le pidió que s’identificase por medio d’o DNI’.

D’alcuerdo con ista entidat de defensa d’a luenga, ‘Paco Muñoz, que heba acudiu a la concentración sin o documento identificativo, no se negó a identificar-se en garra momento, cosa que explicó en valenciano a o policía que le’n heba solicitau’. En un comunicau, el Tempir diz que a reacción d’o policía estió contundent. Respondió: ‘A yo no me charres en o valenciano d’os collons.’ Contino, detenió a Paco Muñoz y lo trahió a comisaría.

Dimpués de reunir-se con un mando policial y una vegada identificau oralment, cosa que s’habría puesto fer en o puesto d’a concentración, tal como indica a lei, lo deixoron en libertat con tres denuncias: desobediencia por no haber-se identificau, haber asistiu a una concentración ilegal y haber adheriu pegallos en a frontera d’a siede d’o Partiu Popular.

A chunta directiva de el Tempir expresa o refirme y a solidaridat con Paco Muñoz Giménez: ‘Ye intolerable que un ciudadano sía deteniu por o simple feito de charrar en valenciano quan prebaba d’identificar-se y explicar que no portaba o DNI. […] Entendemos que ista actitut ye inacceptable en un estau democratico que ha de guaranciar o dreito d’os suyos ciudadanos a expresar-se en a luenga propia d’o país y, amás, d’un cuerpo policial que ha d’estar a o servicio d’os ciudadanos y, por tanto, si quiere estar profesional y moderno, ha d’estar capable d’atender y respectar as personas que faigan servir una luenga diferent d’o castellano. No se puede acceptar a criminalización ni un tracto de ciudadano de segunda d’os valencianoparlants‘.

Lluís Xavier Flores Abate, agrediu por haber charrau en catalán en el Campello

O caso de Paco Muñoz no ye un caso isolau en l’extremo sud d’o País Valenciano. Recientment, un policía local del Campello denunció a Lluís Xavier Flores Abate por haber-le charrau en catalán y haber dito que o suyo nombre yera ‘Lluís Xavier’. Amás, tamién lo denunció por haber prebau de fuyir y por haber orichinau altercaus. Y le imposó dos pinyoras que suman quatrocientos euros. O Concello del Campello no ha respondiu a la petición de Lluís Xavier Flores pa que le retiren a denuncia y o policía local se disculpe. A subdelegación d’o gubierno espanyol tampoco no ha respondiu a la reclamación d’o denunciau porque la ha feita en catalán y cal ninviar-la a traducir.

Fuent: http://www.vilaweb.cat/noticia/4135255/20130722/detingut-haver-parlat-catala-elx-protesta-pp.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.