Deteniu un d’os presuntos autors d’a zaguer agresión faixista en Zaragoza

L'agresión se fació lo pasau 26 d'agosto en a carrera Constitución de Zaragoza, participando-ie tres neonazis

Manifestación antifaixista en 2012 (Foto: Arainfo)

Manifestación antifaixista en 2012 (Foto: Arainfo)

A policía espanyola ha deteniu iste lunes a una persona por a suya participación en l’agresión faixista que bi habió lo pasau 26 d’agosto en una terraza d’o Paseyo Constitución de Zaragoza. O deteniu, de vintiueito anyadas y que responde a las siglas I.M.G.C.,  ha quedau a disposición chudicial mientres  o maitin d’iste martes.

Os feitos pasoron o pasau 26 d’agosto quan un choven estió agrediu por tres neonazis. Iste choven, que le calió atención hespitalaria,  ya heba estau agrediu bells diyas antes, por lo que se creye que estió en respuesta a la suya denuncia. As agresions neonazis, como denuncian colectivos y organizacions antifaixistas, s’ha tornau más cutianas en zagueras, dende que s’ubrió un “Hogar Social” en o vico d’as fuentes, a on que colectivos d’ultradreita se chuntan.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.